Thursday, 11 July 2013

Kutte Ka Naam Karan

One of the most unforgettable incidents of my childhood is when I came up with the idea of organizing a naming ceremony for a stray puppy. My younger brother and couple of other kids of my village were my partners in the crime who enjoyed it to the bits. All of them are married now (except my bro) and we hardly get to see each other but whenever they meet me they never cease to cherish the memories of being the part of this unusual ceremony. I have penned down this whole incident before in the form of a short story but then I thought it would be interesting to create a poem out of it. So here it is:

Mannu phoola bahut samaya tha
Jis din usko wo paaya tha
Ek kaala chota sa pilla
Jo uske dil ko bhaaya tha
Nanhe nanhe kadmon se usne
Phir kooch kiya chotu ke ghar
Jiska lagta tha kabhi na mann
Apni behna muniya ke bin,

Chotu ne dekha pille ko
Aur cheenkh lagayi behna ko
Daudi daudi ayi muniya
Khel kund thi bas jiski duniya,

Jaise hi muniya ne dekha
Usne phir ek pal ko socha
Ki kyun na karein hum naam karan
Aur dein pille ko naya janam,

Par kaun karega tayyari ?
Ye soch ke chotu ghabraya
Par muniya thi chaturon se chatur
Usne sabko phir samjhaya

Din taya hua aur card batein
Sab aas pados ke bachhon ko
Jo hue khushi khushi tayyar
Us naam karan me ane ko,

April ki bhari dopahari mein
Sab pahunche mannu ke kheton par
Jahan baithi thi muniya pehle se
Apne kaagaz patri lekar

Chotha baitha pille ke saath
Mannu nange tinku ke paas
Ab shuru hua bhai program
Bole sab zor se siyaa raam,

Phir apne school ke baste se
Muniya ne kheenchi ek kitaab
Jispe thin likhin ABCD
Jo thi muniya ki sabse khaas

Phir oot pataang mantra padhkar
Muniya ne palta panno ko
Apni nahi ungaliyon se
Baancha Angreji aksharon ko,

Chotu phir bola Muniya stop
Aur D akshar ko kiya lock
Sab sochein D se naam kya ho
Mannu bola kuch bhi rakh do
Dada, Monty, Rango and Ron  
Chota bola kyun nah ho Don,

Sab raazi hue naam sunke
Pilla ko puchkara jamke
Phir kheench ke usko apni or
Padka uske ek kaan ka chor
Aur jor se Muniya chillai
Tera naam abse hai Don bhai,

Chota bola ab aisa karein
Don ko hum settle kardein
Kyun na banayein ek pyara sa ghar
Jisme rahe Don din bhar
Tinku Mannu ne beenin eent
Chotu ne khodi  nanhi si neev,

Ghol ke paani mitti mein
Bana cement yun chutki mein
Minton mein chotu ne kiya khada
Ek bheent ka banglow khoob bada,

Phir karne ko jaanch padtaal
Bheja Don ko andar tatkal
Tabhi kaain kaain Awaaz ayi
Sab soche ye kya hua  bhai!!!

Dekha to ghar tha dahaa pada
Neeche tha uske Don daba
Muniya boli mera pyaraa Don
Kisne toda mujrim hai kaun?

Hum phir se banayenge tera ghar
Phir tujkho hai kahe ka darr
Par Don tha sab kuch samajh gaya
Usne phir socha bahut hua
Kutte ka apna roop dikha
Usne phir sabko kiya dafaaa,

Ab Bahut jhel chuka the don
So toda usne apna maun
Par yaad ayi use muniya ki
Chotu Tinku ki duniya ki
Phir kooch kiya wo unki or
Jinse hi bandhi thi uski dor
Jaise bhi the wo the pyare
Lage Don ko wo sabse nyaare,

Muniya ne dekha Don ko jab
Usne socha ek pal to tab
Ki kiya jaye iska kya ab?

Par sabko tha Don pyara
Ankhon ka tha wo ab taara
Phir miljul kar ye taye hua
Kyun na bane ab ghar ek naya,

Jisme rahe don khushi khushi
Ye soch ke sabko ayi hansi
Par nahi bana phir koi ghar
Raha don pyar se apne bal par .

2 comments:

  1. The title of your post is amazing :) i was immediately attracted. and what a narration of the incident through poepm. reminds me of my childhood hindi poems..oh you made me so nostalgic :) Don to dil ko choo gaya :)

    ReplyDelete
  2. thanks a lot for such a lovely comment Jiggyasa :)

    ReplyDelete